Женскиот ракометен клуб Овче Поле – Славјански Универзитет го засили својот ростер со два искусни и квалитетни ракометари, подготвувајќи се за новите предизвици во претстојната сезона.
По Дона Маркоска, која веќе е дел од тимот, а за што веќе објави Спортска Мрежа, во составот се вратија и пикерот Елена Вучевска и центарот Наталија Манева. Двете ракометарки минатата сезона настапуваа за ЖРК Астибо од Штип, каде што учествуваа во плеј-офот на Женската лига.
Враќањето на Вучевска и Манева во матичниот клуб од Свети Николе носи свежина и стабилност во играта, а со тоа и зголемување на квалитетот на тимот. Овие засилувања претставуваат јасен знак дека Овче Поле има сериозни амбиции за одлични резултати во новата натпреварувачка година.
