Македонската пливачка репрезентативка Миа Блажевска Еминова постави нов национален рекорд на Европското првенство до 23 години, кое се одржува во Шаморин, Словачка.
Во дисциплината 50 метри делфин, Блажевска Еминова оствари време од 28.42 секунди, со што го собори претходниот македонски рекорд кој исто така ѝ припаѓаше нејзе – 28.56 секунди.
Овој резултат е уште една потврда за континуираниот напредок на талентираната пливачка, која веќе има низа успешни настапи на меѓународната сцена и постојано го поместува стандардот на македонското пливање.
Покрај дисциплината 50 метри делфин, Миа настапи и во трките на 50 метри грбно и 100 метри слободно.
Македонската пливачка репрезентација на ова првенство е предводена од тренерите Горан Стаменов, Мартин Стефановски и Илија Стојановски.
