Вицешампионот Силекс во Банско, Бугарија ја одработува втората фаза од летните подготовки за новата сезона, а секако во фокусот се подготовките за првото квалификациско коло на Конференциската лига на УЕФА против екипата на Дечиќ од Црна Гора.
Силекс во Македонија одигра два пријателски меча со Работнички, во Кратово и во Скопје, а веќе утре ќе следува пријателски меч против екипата на Дрита од Косово, кој се игра со почеток од 17:45 часот.
Веќе се познати и судиите кои ќе ја делат правдата на мечот меѓу Дечиќ и Силекс, а првото соочување е закажано за 10 јули на стадионот „Тушко Поље“ со почеток од 20 часот.
За правдата ќе бидат задолжен судии од Ерменија, а главен арбитар ќе биде Завен Хофханисјан негови помошцнии ќе бидат Месроп Газарјан и Ваник Симонјан, а четврти судија ќе биде Вардан Манукјан.
