Фудбалскиот клуб Огражден од Ново Село кој во новата сезона ќе се натпреварува во Општинската фудбалска лига во Струмица претстави уште две нови засилувања.
Се работи за Костадин Наковски, кој се приклучува во стручниот штаб и како фудбалер, а беше претставен и Адам Зимбаков како шесто засилување во „црно-жолтата“ фамилија.
Претходно, како што веќе информираше Спортска Мрежа екипата на Огражден беше засилена со Никола Јарков, Спасе Терзиев, Никола Трајков и Александар Коцев, а шанса ќе добиваат и сите млади играчи.
Во следниот период ќе бидат познати сите екипи кои ќе учествуваат во Општинската фудбалска лига во Струмица, која по неколку години пауза одново се реактивира.
