Дебитантот во Првата македонска фудбалска лига, Арсими од Чегране на 1 јули ќе ги започне подготовките за новата сезона, а во која Арсими за првпат во клупската историја ќе настапи во фудбалската елита на Македонија.
Како што дознаваме Арсими има постигнато договор со дел од играчите за следната сезона, а во следниот период ќе биде промовирани и новите засилувања со кои Арсими ќе се засилува за историското учество во Првата лига.
Главната фаза од подготовките екипата на Арсими ќе ја реализира во Охрид, каде има одлични услови за подигање на формата.
Во рамки на подготовките, извршени се и дополнувања и унапредувања и на организациски план, со зајакнување на техничката и административната структура на клубот.
Новата сезона од Првата македонска фудбалска лига ќе започне на 8 август, а како што веќе информиравме ќе се игра во три дена односно петок, сабота и недела.
