Ждрепките за првото квалификациско коло во европските натпреварувања за сезоната 2025/26 се одржаа денеска, а македонските претставници ги дознаа своите први предизвици на меѓународната сцена. Четири клуба ќе го бранат националниот фудбалски углед на европските терени – Шкендија во Лигата на шампионите, додека Вардар, Силекс и Работнички ќе настапат во квалификациите за Конференциската лига на УЕФА.
- Шкендија против стариот познаник ТНС од Велс
Шампионот Шкендија ќе се соочи со велшкиот првак ТНС, екипа со која веќе има историја во евро-куповите. Во 2018 година, тетовчани ги декласираа Велшаните со 5-0 во Скопје, но беа изненадени на реваншот со 4-0, што го прави овој дуел уште поинтересен за навивачите и за јавноста.
Првиот натпревар ќе се одигра на 8 или 9 јули во Велс, додека реваншот на 15 или 16 јули во Македонија. Шкендија е решена да ја искористи искуството и добрата ждрепка за да обезбеди пласман во втората рунда и со тоа да направи нов чекор напред во европските натпреварувања.
- Вардар ја има фаворитската улога против Ла Фиорита
Како освојувач на Купот на Македонија, најтрофејниот македонски клуб Вардар ќе се сретне со екипата на Ла Фиорита од Сан Марино во првото коло од Конференциската лига.
По блескавата пролетна полусезона, Вардарци влегоа во европските квалификации со високи амбиции. Тимот беше непоразен во низа од натпревари и со стил го освои националниот куп. Очекувањата се големи, а ривалот е по мерка – тим со ограничено европско искуство. Првиот натпревар ќе се одигра на 10 јули на гости, додека реваншот е на 17 јули во Скопје.
- Работнички против тврдиот белоруски Торпедо Белаз
Тимот од „Дебар Маало“ – Работнички, кој ја заврши сезоната на третата позиција, ќе се соочи со Торпедо Белаз од Белорусија. Противник по мерка за „романтичарите“ и шанса за следна коло.
Првиот меч ќе се одигра во Белорусија на 10 јули, а реваншот е закажан на 17 јули на арената „Тодор Проески“. Работнички се надева дека ќе ја искористи шансата за прогрес и дека ќе го надмине овој предизвик со цврста игра и тактичка дисциплина.
- Силекс со мотивирачки дуел против Дечиќ
Вицешампионот Силекс од Кратово, предводен од Александар Васоски, ќе има сериозна шанса за пласман во следната фаза од Конференциската лига откако ја доби црногорската екипа Дечиќ како свој противник.
Кратовчани одиграа одлична сезона и долго беа во трка за титулата. Сега, со стабилен ростер и јасна идеја, ќе се обидат да стигнат до втората рунда и да продолжат да го градат својот европски имиџ. Натпреварите се на 10 и 17 јули.
Македонските клубови добија солидни противници во ждрепките. Шкендија ќе се обиде да ја повтори победата над ТНС, додека Вардар, Силекс и Работнички имаат реални шанси за позитивни резултати и пласман понатаму. Европската авантура за македонскиот фудбал започнува во јули – време е за нови поглавја, нови предизвици и уште поголеми надежи.
