Второлигашот Осогово од Кочани го утврди датумот за почеток на летните подготовки за новата сезона во Втората македонска фудбалска лига.
Шефот на стручниот штаб Крсте Крстев на 7 јули ќе ја има првата прозивка со екипите и со тоа ќе биде означен почетокот на летните подготовки за сезона 2025/2026.
Според информациите на Спортска Мрежа екипата на Кочани веќе работи на ангажман на нови засилувања и подигање на квалитетот во своите редови, а дополнително ќе информираме околу планот и распоред за одигрување на пријателски натпревар за темпирање на формата.
Осогово сака да изгради квалитетен тим со кој ќе атакува на директен опстанок, поучен од последните две сезони кога на многу тежок начин доаѓа од опстанокот во ВМФЛ.
Следната сезона од Втора лига директно во Трета лига ќе испаднат пет екипи, а три ќе играат бараж за опстанок, тоа значи дека ќе има повеќе од неизвесна сезона.
