Македонскиот бек е дел од Динамо од февруари 2021 година, откако претходно настапуваше за хрватската Риека. Во дресот на загрепскиот гигант има одиграно 185 натпревари, постигна 7 голови и запиша 21 асистенција. Во текот на четирите години поминати во клубот, оствари значајни успеси, освојувајќи неколку шампионски титули во хрватската Прва лига, како и трофеи во Купот и Суперкупот на Хрватска.
Со своите сигурни настапи и офанзивна поддршка по левата страна, стана еден од клучните фудбалери во тимот.
По заминувањето од клубот, Динамо и неговите навивачи му се заблагодаруваат за посветеноста, трудот и сите моменти што ги донесе на теренот, и му посакуваат многу среќа и успеси во понатамошната кариера.
