Женскиот фудбал во Македонија доби нов клуб – се формираше ЖФК Аеродром, кој на почетокот има фокус на развојот на фудбалската школа за најмалите девојчиња.
Редакцијата на Спортска Мрежа разговараше со раководството на клубот околу плановите и идните цели. Како што истакнаа од новоформираниот ЖФК Аеродром, фокусот ќе биде на развојот на фудбалската школа со најмалите, но не се исклучува можноста за настап и во Втората женска фудбалска лига.
Како што Спортска Мрежа веќе информираше, Втората женска фудбалска лига во следната сезона ќе добие две нови екипи – ЖФК Некст Левел од Охрид и ЖФК Ускана од Кичево, но второлигашкото друштво може да се прошири за уште една екипа, а тоа да биде токму ЖФК Аеродром.
Од клубот за Спортска Мрежа истакнаа дека, доколку се екипираат со сениорски тим, секако дека имаат амбиции за настап во Втората лига, како и во останатите младински категории.
Спортска Мрежа, како медиум посветен на промоцијата и поддршката на женскиот фудбал, со еднаков третман и кон нисколигашките клубови, го поздравува формирањето на ЖФК Аеродром и нивната желба да станат дел од Втората лига во иднина.
Клубот врши уписи на нови членови односно може да се запишат сите заинтересирани девојчиња на возраст од 6 до 14 години, вторник и четврток од 19 часот.
Контакт за повеќе информации кај Андриана 078 800 275 и 072 630 004 Зоран.
