Во недела ЖФК Шкендија ќе го одигра првиот контролен натпревар во подговките за пролетната полусезона против ЖФК СЦ Истатов од Дојран.
Натпреварот ќе се одигра во Тетово со почеток од 14:00 часот.
Двете екипи ја делат седмата позиција на табелата во Првата женска фудбалска лига со по 21 освоен бод.
Во пролетната полусезона и двете екипи имаат единствена цел, да завршат во првите осум и да останат во прволигашкото друштво, бидејќи сите останати ќе испаднат и од следната сезона ќе се натпреваруваат во Втората женска фудбалска лига која за прв пат ќе биде формирана, заедно со новоформираните екипи кои ќе пријават учество.
