Актуелниот шампион ЖФК Каменица Саса денес се засили со репрезентативка Сара Коларовска. 21-годишната искусна фудбалерка стави потпис на договор од две и пол години и во Македонска Каменица ќе остане до јуни 2023 година.
Репрезентативката веќе тренира со новиот клуб и се спрема за пролетната полусезона од Првата македонска фудбалска лига
Коларовска одлично игра на стоперската позиција, но исто така игра и како десен бек. Во својата кариера Коларовска има настапувано за ЖФК Драгон и ЖФК Тиверија од Струмица.
ЖФК Каменица Саса е есенски шампион во ПЖФЛ и во пролетната сезона влегува со една цел – одбрана на шампионската титула и освојување на Куп-титулата.
