ОстанатоФудбалФутсал

Железарец преку пресврт дојде до голем триумф над Црна Река, Арбен Бајрами го „потопи“ Велес со „ДЕСЕТКА“

Супер интересен меч се одигра во Кавадарци каде преку пресврт Железарец славеше над домаќинот Црна Река со 2:3. Ванче Шиков по три минути игра донесе водство за домашните, а десет миниту подоцна Антонио Јанев стрелаше за 2:0 на полувреме. Во вториот дел Александар Глигоров го преполови водството на Црна Река на 2:1. Во 35. минута Петре Даиловски успеа да го израмне резултатот на 2., а две минути подоцна Мирко Богески ја стресе мрежата на противникот за конечните 2:3 и големи три бода.

Арбен Бајрами сосема очекувано триумфираше над „фенерџијата“ Велес со убедливи 3:10. Агим Рамадани постигна хет-трик, а двојни стрелци беа Берат Рамадани и капитенот Ерол Далип. По еден гол постигнаа Пајтим Реџепи, Стефан Димовски и Јусуф Селмани. Кај противникот Кадир Амза беше двоен стрелец, а стрелаше и капитенот Мартин Калчев.

Со овие два натпревари е комплетирано 8. коло од Првата футсал лига. Извештајот со стрелци за вчерашниот натпреварите можете да го прочитате овде. Колку за потсетување Шкупи триумфираше над Карадаку со 3:4, Енхалон беше подобар од Шкендија со 4:7, а пак шампионот Проект се „распука“ кон Јувентус Серава со 2:8.

Поврзани Наслови

Back to top button
error: Текстот е заштитен !!