Вечерва во Пробиштип конечно беше комплетирано 12. коло од Втората футсал лига на Македонија.
Кеги Моби со убедлиф триумф од 3:8 над Црешово Топче ја оправда улогата на фаворит и продолжува да ита кон пласман во Прва лига.
Домаќините кои настапија без неколку стандардни играчи имаа сили да пружат отпор само во првиот дел кога резултатот на полувреме беше 1:1. Резултатот го отвори Кирил Ивановски во 10. минута од мечот, а две минути подоцна Давид Манев постигна погодок за 1:1.
- ПРВО ПОЛУВРЕМЕ: Црешово Топче – Кеги Моби:
Во вториот дел Кеги Моби ги превзема работите во свои раце и не дозволи изненадување. Ивановски постигна уште два погодоци во вториот дел за хет-трик, Жарко Спасовски постигна дури четири погодоци со што беше најефикасен на средбата, а еден погодок беше дело на Бобан Давчевски. Кај домашните Манев беше двоен стрелец, а погодок постигна и Илија Пенчовски.
- ВТОРО ПОЛУВРЕМЕ: Црешово Топче – Кеги Моби:
Во следното коло Кеги Моби ќе биде домаќин на СФК Проект, додека пак Црешово Топче ќе има тешко гостување во Штип кај Астибо.
