Денес стартуваше Втората футсал лига на Македонија со натпреварите од 5. коло
Во Валандово домаќинот Проект – Јосифово загуби од Клими со 4:5. Во првиот дел домаќините беа подобри, а во вториот гостите Кавадарци кој одиграа многу подобро и преку Аризанов кој постигна хет-трик дојдоа до значајна победа.
Проект Јосифово со два гола на Манчев до 13. минута имаше водство од 2:0. Гостите веднаш преку Аризанов намалија на 2:1, резултат со кој се замина на полувреме.
Во вториот дел Проект Јосифово преку Делев зголеми на 3:1, а Клими со нов гол на Аризанов намали на 3:2. Две минути беа потребни за екипата од Кавадарци да израмни на 3:3 со третиот гол на Аризанов. Во последните десет минути од натпреварот паднаа три гола. Во 31. минута домаќинот преку Делев дојде до ново водство од 4:3, а само неколку секунди подоцна Николовски израмни на 4:4. Во последната минута од натпреварот Николовски со втор гол му донесе победа на Клими.
Целиот натпревар
Клими сега е на второто место навтабелата со 9 бодови колку што има и лидерот Шкендија, додека Проект Јосифово е на дното од табелата се уште без освоени бодови.
Во следното коло Клими ќе игра дерби со лидерот Шкендија, додека Проект Јосифово ќе гостува во Свети Николе кај Овче Поле.
