Во недела амбициозната екипа на Вардар Неготино ќе одигра нов контролен натпревар против екипата на Братство 07.
Третолигашот од Неготино одигра неколку контролни натпревари, со Кожуф ремизираше играјќи 2:2, од Кадино минимален пораз од 0:1, убедлива победа над прилепска Победа од 3:0, победа против Овче Поле од 2:3 и пораз од Тиквеш со резултат од 1:4.
Братство 07 на првиот контролен натпревар загуби од Питу Гули со 1:2, додека на вториот тест беше убедлив против Големо Коњари со 1:9.
Тестот меѓу третолигашите ќе се одигра на Градскиот стадион во Неготино со почеток во 13:00 часот и за истиот ќе биде овозможен пренос на Спортска Мрежа.
