ФудбалФудбал - ТРЕТА ЛИГА

Вардар Неготино со новиот тренер Тодорчев и неколку засилувања ќе атакува на враќање во Втората лига

Третолигашот Вардар од Неготино во вторник (20 јули) ќе ги започне подготовките за новата сезона од Третата лига – Југ. Клубот во новата сезона ќе биде предводен од новиот тренер Горан Тодорчев, а негов помошник ќе биде Миле Чаушев.

Во изјава за Спортска Мрежа, претседателот на клубот Горан Алтанџиев, вели дека ростерот на екипата е сочуван, а во следните денови ќе биде засилен со неколку играчи.

„Подготовките ги започнуваме на 20 јули. Нов тренер на екипата ќе биде Горан Тородчев, а негов помошник ќе биде Миле Чаушев. Ростерот е воглавност ист, а во следните денови ќе имаме неколку засилувања. Нашите цели остануваат исти – враќање во Втората лига“, ни изјави Алтанџиев.

Вардар Неготно минатата сезона заврши на четвртото место со 38 бодови и беше далеку зад Локомотива од Градско која заврши на првото место. Неготинци најмногу потфрлија во есенската полусезона, што се рефлектираше негативно врз нивните цели на крајот од сезоната.

Поврзани Наслови

Back to top button
error: Текстот е заштитен !!