Третолигашот Новаци згаснува, клубот нема да ја продолжи пролетната полусезона
Третолигашот Новаци, кој важеше за еден од фаворитите во претходната и во тековната сезона за освојување на врвот од табелата, згаснува.
>>> ПРОМОЦИЈА НА АПАРТМАНИ, РЕСТОРАНИ И КАФУЛИЊА НА КОТВА.МК <<<
Клубот кој во минатото се натпреваруваше во Втората македонска фудбалска лига, поради нерасчистени долгови помеѓу старата и новата управа, згаснува и нема да го продолжи натпреварувањето во Третата фудбалска лига – Југозапад, дознава Спортска Мрежа.
Според информации кои самиот клуб ги сподели со Спортска Мрежа сите фудбалери се слободни играчи и може да си бараат нов клуб каде би ја продолжиле кариерата.
Колку за потсетување, на самиот старт од сезоната во „5 до 12“ се откажа и Белица од натпреварување, па во последен момент испразнетото место го пополни Сатеска од Волино.
