Струга Трим Лум денес на домашен терен ќе ја пречека последнопласираната Беласица, во натпревар од 25. коло од Првата македонска фудбалска лига.
Пред стартот на натпреварот кој е закажан во 15:00 часот, тренерот на Струга Трим Лум, Срѓан Захариевски вели дека освен победа се друго е неуспех за неговата екипа.
„Паузата ја искористивме да ја освежиме екипата пред престојните натпревари кој се со згуснат распоред. И ако екипата е со намален играчки кадар, сепак има доста квалитет за да ја надминеме кризата и конечно да победуваме и да бидеме на она место и ниво кое овие играчи го заслужија во есенскиот дел.“
„Секако дека освен победа се друго е неуспех за нас. Верувам во моите играчи, не само на овој натпревар, туку и на сите пресотанати до крај на првенството“, вели тренерот Захариевски.
