Викендот започна пролетната полусезона во Првата футсал лига на Македонија. 13. коло ќе биде отворено во Кавадарци со дуелот меѓу Црна Река и Карадаку, а овој меч ќе стартува во 16:00 часот.
>>> ПРОМОВИРАЈТЕ АПАРТМАНИ И РЕСТОРАНИ НА ТУРИСТИЧКАТА ПЛАТФОРМА – КОТВА.МК <<<
Два часа подоцна во Гевгелија ќе се игра големиот дуел меѓу актуелниот шампион Проект и актуелниот лидер на табелата Шкупи. Овие две екипи ја водат битката за шампионската титула.
Останатите три натпревари ќе бидат одиграни во недела. Во 18:00 часот ќе започне мечот меѓу Енхалон и Велес во Струга, а во ист термин ќе стартува и натпреварот меѓу Јувентус Серава и Шкендија.
Колото ќе биде затворено два часа подоцна со дуелот меѓу Железарец и Арбен Бајрами.
