Викендот се одигра 12. коло од Првата футсал лига на Македонија. Дербито на колото се играше во Скопје меѓу Јувентус Серава и Проект, кое заврши со победа за гостите од 8:9.
Шкупи на домашен терен славеше убедлива победа над Карадаку од 5:1, а со ист резултат Арбен Бајрами беше далеку подобар од Кеги Моби од Велес. Железарец на домашен терен со сигурни 6:2 го доби натпреварот со Велес.
Натпреварите меѓу Астибо – Црна Река и Мал Ајакс – Кратово се одложени.
Проект е лидер на табелата со 34 бодови, еден помалку има второпласираниот Арбен Бајрами, додека на третото место е актуелниот шампион Шкупи со 29 освоени бодови. Четврт на табелата е Железарец кој има 28 бодови.
