Амбициозниот Шкупи дефинитивно е најактивен на трансфер пазарот. Денес беа промовирани две нови засилувања, Сенегалците Алберт Бугазели – Бебето и Фаустин Сенгор.
Двајцата играчи поминаа едно неделно тестирање, по што е потпишан двегодишен договоро со можност да биде продолжен на нови две години.
24-годишниот Бугазели игра како десно крило, во 2019 година има два настапи за репрезентацијата на Сенегал, додека во неговата кариера главно настапувал во најсилниот шампионат на Сенегал.
27-годишниот Сенгор игра во средината од теренот, а најголем дел од неговата кариера го има поминато во шампионот на Сенегал, Каза Спорт, а од сезоната 2019 играше во најсилното босанско првенство со тимот на Челик од Зеница.
