Шкупи ја искина мрежата на Шкендија со 18 гола, Проект без милост даде 12 гола против Црна Река

Денес беше отворено 9. коло од Првата футсал лига на Македонија со два натпревари во Скопје и Валандово.

Актуелниот шампион Проект со 12:1 ја декласираше Црна Река од Кавадарци која не даваше никакви знаци на отпор против домаќинот од Валандово.

До хет-трик во „Филип Втори“ стигнаа Иван Крстевски и Драган Петровиќ, двоен стрелец за Проект беше капитенот Дарко Ранготов, а по еден гол постигнаа Мартин Тодоровски, Мартин Мехмединович, Александар Михајлов и Мирче Стојанов. За гостите од Кавадарци стрелец на единствениот гол беше Зоран Павлов.

Непоразениот лидер Шкупи вечерва ја искина мрежата на Шкендија со високи 18:0 триумфираше за деветта сезонска радост. Зоран Левески постигна дури четири погодоци, а хет-трик запиша Еркан Шабани и Реџеп Сулајмани, двојни стрелци беа Исмет Сека, Арсим Фазлиу и Сали Салиевски, а по еден гол постигнаа Бејтула Јакупи и Иван Сотировски.

Лидер на табелата останува Шкупи со 27 бодови, а шампионот Проект е втор со 24 бодови.

Колото ќе биде комплетирано утре.