Шкендија без милост го прегази Вардар кој е се поблиску до зоната за испаѓање

Шкендија запиша убедлива победа над Вардар на Националната арена „Тодор Проески“ во Скопје со резултат од 1:4, со што „црвено-црните“ влегоа во бараж зоната и се на само два бода над опасната директна зона за испаѓање.

Вардарци во 11. минута со гол на Мирчевски први дојдоа до водство од 1:0. Шкендија веднаш притисна и имаше неколку квалитетни шанси преку Ибраими, но промени на резултатот немаше се до 27. минута, кога Рамадани со ефективен гол донесе израмнување на 1:1. По само седум минути игра Ибраими конечно погоди и Шкендија дојде до водство од 1:2. До крајот на првиот дел Шкендија имаше неколку шанси, но немаше промена на резултатот.

На стартот на вториот дел по катастрофална грешка во одбраната на Вардар, Ибраими постигна втор гол и веќе во 49. минута лидерот имаше водство од 1:3. И во останатиот дел од натпревар Шкендија продолжи со доминацијата на теренот, а тоа го потврди преку Дориев кој погоди за 1:4 во 55. минута. Во 69. минута Хебај постигна гол за високи 1:5, а во самиот финиш Елези ги постави конечните 1:6.

>> ЦЕЛАТА ТАБЕЛА ОД ПРВАТА ЛИГА ПОГЛЕДНЕТЕ ЈА ОВДЕ <<

Шкендија е лидер на табелата со 53 бодови, додека Вардар падна на деветтото место и во моментот е во бараж зоната за опстанок, а има само три бода над опасната зона за испаѓање.

Во следното коло Шкендија дома ќе игра против Силекс, додека Вардар ќе има тешко гостување во Битола кај Пелистер.