ФудбалФутсал

Шампионот Шкупи славеше убедливо во Кавадарци над Црна Река

Актуелниот футсал шампион Шкупи ја оправда фаворитската улога со убедлива победа од 2:8 над Црна Река во Кавадарци, во последниот есенски натпревар во Првата футсал лига на Македонија.

Првото полувреме беше израмнето и заврши со 1:2. Резултатот беше отворен во 4. минута за водство на домаќинот од 1:0 преку Тони Гацев. Три минути подоцна Иљбер Алили израмни на 1:1, а во 13. минута водството го презеде Шкупи со голот на Димовски.

Во вториот дел шампионот одигра моќно и го декласираше домаќинот. До 29. минута Шкупи имаше водство од 1:6 преку трите гола на Еркан Сефери и еден на Димовски. Гостите не запираа и продолжија со убедливата игра и постигнаа уште два гола до 37. минута за 1:8 преку Александар Глигоров и Алили. Конечните 2:8 ги постави Видан Станоев со гол постигнат во 37. минута.

Пролетниот дел од сезоната Шкупи го отвара на домашен терен против Карадаку, додека Црна Река ќе гостува во Штип кај Астибо.

Reklama

Поврзани Наслови

Back to top button
error: Текстот е заштитен !!