Второлигашот Осогово вчера ги започна подготовките за пролетната полусезона во Втората лига – Исток. Шефот на стручниот штаб Трајче Сенев вчера го имаше првиот тренинг со екипата на Градскиот стадион „Никола Мантов“ во Кочани.
Кочанскиот клуб веќе закажа и четири пријателски натпревари. Првиот ќе се игра против Брегалница од Штип на 30. јануари, потоа следи тест со Киг-Го кој е закажан за 6. февруари, Тиквеш на 13. февруари и „генералка“ со третолигашот Брегалница од Делчево за 20. февруари.
Клубот се засили со голманот Матеј Андонов и Благој Истатов.
Осогово есенскиот дел од сезоната го заврши на седмото место на табелата со 19 освоени бодови.
