Актуелниот футсал шампион на Македонија, екипата на Шкупи постигна рекорд во македонскиот футсал, откако на денешниот натпревар славеше со неверојатен резултат од 37:0, во натпревар од 14. коло од Првата футсал лига.
Шкупи кој беше апсолутен фаворит на натпреварот немаше милост кон противникот и буквално ја искина противничката мрежа.
Искусниот Зоран Левески постигна дури 15 погодоци на натпреварот, седум гола постигна Еркан Шабани, Исмет Чека шест пати ја погоди мрежата, Бурак Мемеди и Иван Сотировски постигнаа по три погодоци, додека Арсим Фазлиу и Никола Димовски постигнаа по еден гол. На целата мака, Кратово си постигна и еден автогол.
Во следното коло Шкупи ќе игра дерби со Јувентус Серава, додека Кратово ќе гостува кај Кеги Моби од Велес.
