Работнички вчера ги стартуваше подготовките за пролетниот дел од сезоната во Првата фудбалска лига. Претседателот на клубот Драган Поповски им посака успешна работа на фудбалерите и на стручниот штаб, а потоа тренерот Борче Христов го одржа првиот воведен тренинг со фудбалерите.
Засега официјално тимот се засили со Арменд Алими, кој дојде од Шкендија и треба да претставува квалитетно решение за средниот ред по трансферот на талентираниот Лука Станковски во турскиот прволигаш Газијантеп.
Работнички до 20. јануари ќе тренира во Скопје, а потоа ќе замине на подготовки во Анталија каде ќе биде реализирана главната фаза од подготовките.
