Работнички денеска ги стартува летните подготовки за новата сезона во ПМФЛ

Македонскиот прволигаш Работнички денеска ги стартува летните подготовки за новата сезона во Првата македонска фудбалска лига. Новиот шеф на стручниот штаб, Љупчо Марковски, ќе ја изврши првата прозивка на фудбалерите во клупската база во 18 часот, а потоа ќе биде одржан и првиот тренинг.

Првата фаза од подготовките ќе биде реализирана во Скопје, на сопствениот комплекс.

Како што веќе информиравме, ново име во редовите на Работнички е голманот Игор Алексовски, кој доаѓа од Ренова.