Денес во Валандово се одигра дерби натпревар меѓу лидерот Проект и екипата на Железарец од 13. коло од Првата футсал лига на Македонија, каде домаќинот со 3:2 беше подобар.
Резултатот го отвори непоразениот лидер Проект во 5. минута со гол на Михајлов. Во 14. минута Давчевски постигна гол за 2:0. Четири минути подоцна Кајсторовски ја погоди противничката мрежа и намали на 2:1.
На стартот на вториот дел Проект преку Крстевски зголеми на 3:1, а пред самиот финиш од натпреварот Даиловски ги постави конечни 3:2.
Во следното коло Проект игра многу важен дерби дуел против второпласираниот Арбен Бајрами, дерби за прво место во Првата футсал лига. Железарец на домашен терен ќе игра против Црна Река.
