Денес беа одиграни уште два натпревари од 7. коло на Втората футсал лига на Македонија.
Овче Поле на домашен терен го збриша Црешево Топче со убедливи 4:1. Најрасположен за голови беше младиот Павел Русевски кој ја искина мрежата во „Цар Самоил“ на противничкиот голман од Пробиштип со три погодоци, а во листата на стрелци за домашните се запиша и Христијан Митев. Единствениот погодок за гостите го постигна Глигорче Јакимов.
Непоразениот лидер Кеги Моби конечно падна, велешани во Штип беа поразени за прв пат сезонава од Мал Ајакс со 4:3. Првиот дел од средбата одиграна во „Тошо Арсов“ заврши со резултат од 1:1. Никола Саздовски во 6. минута го отвори резултатот за водство на Кеги Моби, а по две минути капитенот Стефан Трков израмни на 1:1.
На стартот од вториот дел Бобан Давчевски донесе прво водство за гостите од Велес (1:2) кое траеше само две минути, бидејќи Мал Ајакс најпрво преку втор гол на Штрков дојде до 2:2, а во 36. минута Дарко Димитровски постигна гол за ново водство на штипјани од 3:2. Неизвесноста продолжи во самиот финишт од мечот, Зоран Трајков во 38. минута ја погоди противничката мрежа за 3:3, а за помалку од 60 секунди Игор Лазов ги постави конечните 4:3 за голема победа и три златни бодови за Мал Ајаск во битката за експресен кам бек во футсал елитата на Македонија.
