ФудбалФудбал - ТРЕТА ЛИГА

Овче Поле го доби дербито со Малеш, Осогово со триумф од ДЕВЕТ гола, три бода за Тиверија

Денес беа одиграни пет од шест натпревари од 10. коло од Третата македонска фудбалска лига – Исток.

Дербито на колото се одигра во Свети Николе каде Овче Поле со минимални 1:0 славеше над Малеш од Берово. Трите бодови останаа дома со голот на Дарко Нацев.

Сосема очекува лидерот Осогово запиша висока победа од 9:0 над „фенерџијата“ Вардарски од Богданци. Тоше Манов постигна четири погодоци, а пак Христијан Крстов два, во листата на стрелци со по еден гол се запишаа и Стоиловски, Јованов и Дојчинов.

Брегалница запиша уште еден пораз, откако среде Делчево беше поразена од Спартмани со 1:2. Гостите од Градско Балдовци стигнаа до водство од 0:2 со головите на Митров и Црнгаров, додека пак пред крајот на првиот дел Анастасовски погоди за конечни 2:1.

Тиверија со минимални 0:1 славеше кај Карбинци, а стрелец на победничкиот гол беше Ване Новков во 60. минута.

Победа од Валандово не допатува во Пробиштип, па Рудар овој меч го доби со службени 3:0 и службени три бода.

Новајлијата Академија Чешиново-Облешево запиша нов триумф, откако на домашен терен со 2:1 славеше над Дојранско Езеро.

Јакимов во 15. минута постигна гол за водство од 1:0 за домашните, а веќе во 23. минтуа Димков обезбеди двојна предност. Гостите од Дојран во 89. минута го ублажија поразот од 2:1 со гол на Коколански.

Поврзани Наслови

Back to top button
error: Текстот е заштитен !!