Октиси одигра херојски натпревар и го тресна фаворитот Новаци

Денес беше одигран еден од трите одложени натпревари од 13. коло на Третата фудбалска лига – Југозапад.

Екипата на Октиси со триумф ја затвори есенската полусезона откако на домашен терен го доби големиот фаворит Новаци кој останува без шанси за пласман во Втората лига.

Во првиот дел мрежите мируваа и на двете страни, а домашните преку Ристе Наумоски имаа две стопроцентни шанси кој не беа реализирани, а голманот Пашовски беше на вистината на задачата.

Во вториот дел домашните брзо дојдоа до водство од 1:0 со погодокот на капитенот Албан Дани. Новаци успеа брзо да се врати во игра за трите бодови, откако резервистот Александар Неданоски успеа да ја погоди мрежата на Далипоски за 1:1 во 70. минута од мечот.

Во самиот финиш од мечот Насер Доко беше херојот на Октиси кој на три минути пред крајот на мечот ја погоди противничката мрежа за конечните 2:1 и три златни бодови.

Колото конечно ќе биде одиграно утре со останатите два натпревари, Македонија на домашниот терен во Враништа ќе ги одмери силите со Лирија, а пак Преспа ќе игра против „фенерџијата“ Стрела Спорт.

ТМФЛ Југозапад – Табела 2021/2022

Поз	Клуб	ОН	Поб	Н	Пор	ПОС	ПРИ	ГР	БОД
1	Караорман	12	11	1	0	45	10	+35	34
2	Црно Буки	12	8	2	2	39	18	+21	26
3	Македонија Враништа	12	7	1	4	26	24	+2	22
4	Новаци	12	5	6	1	29	14	+15	21
5	Сатеска	12	6	3	3	28	20	+8	21
6	Лирија	12	5	4	3	31	21	+10	19
7	Демир Хисар	12	4	4	4	31	29	+2	16
8	Преспа	12	5	0	7	26	26	0	15
9	Октиси Спорт	12	3	3	6	15	29	-14	12
10	Влазними	12	3	2	7	22	25	-3	11
11	Кравари	12	2	4	6	21	34	-13	10
12	Победа Ивањевци	12	2	0	10	13	52	-39	6
13	Стрела Спорт	12	1	2	9	10	34	-24	5