Второлигашот Тиквеш од Кавадарци денес се засили со младиот Стефан Костов од Академија Пандев.
Играчот со прволигашко искуство треба да ја пополни стоперската позиција и да биде големо засилување за пролетните предизвици во Втората лига – Исток. Во својата кариера покрај за „пандевци“ има настапувано и за штипска Брегалница и Ренова.
Тиквеш за време на контролни натпревари покажа квалитет и може да се носи со прволигашки екипи, што ќе понуди атрактивен бараж за влез во ПМФЛ. Второлигашот од Кавадарци со 2:3 беше подобар од Беласица, потоа со 4:2 ја победи Плачковица, а со Работнички ремизираше со по еден гол.
Денес Тиквеш ќе одигра контролка со Вардар Неготино на Градскиот стадион во Неготино и ќе може да се следи во ЖИВО на Спортска Мрежа.
