ОФИЦИЈАЛНО: Силекс натпреварот со Велешта го доби со службен резултат и службени три бода!

Силекс со службен резултат (0:3) и службени три бода го доби дуелот со Велешта кој вчера беше одложен по вторпат.

Натпреварот првично требаше да биде одигран во саботата, но поради обилните врнежи од снег немаше услови за игра, по што овој натпревар доби нов термин за одигрување во вторник. Откако двете екипи и официјалните лица вчера се појавија на теренот констатираа дека нема никакви услови за игра бидејќи теренот во Велешта беше вистинска ораница за што Спортска Мрежа објави фотографии и видеа и мечот беше одложен по вторпат.

Денес и официјално натпреварот по службен пат го доби Силекс кој е есенски шампион во Втора лига – Запад без ниту еден пораз и со 41 освоен бод.