Голманот Дејан Силјановски го напушти велешкиот прволигаш Борец и останува слободен играч, дознава Спортска Мрежа.
Откако главниот финансиер Кочо Анѓушев се повлече од Борец, клубот има неизвесна ситуација, па неколку играчи меѓу кои и 26-годишниот голманот Силјановски веќе си заминаа.
Тој во Борец пристигна од редовите на Беласица каде ја помина есенската полусезона, а во својата кариера има настапувано и за Тетекс, Локомотива Бентоекспорт и Каменица Саса.
Силјановски во следните денови ќе ги разгледува понудите од клубовите за продолжување на неговата кариера.
Освен Силјановски, клубот го напуштија и Никола Прелчец кој го засили Работнички, Никола Ристески, Оливер Стоименовски, Стојан Стојчевски, колумбиецот со македонски пасош Борха кој го засили Кит Го, тренерот Горазд Михаилов, како и помошникот тренер Ангел Темелков.
