Можно ли е утре да биде донесена одлука дали ќе продолжи Трета лига ?

Од утре олабавување на рестриктивните мерки како нов предлог од кризниот штаб до Владата. Полицискиот час ќе биде намален и истиот ќе биде од 23 часот од 5 часот наутро, додека летните тераси и градините на угостителските објекти ќе работат до 22:30 часот.

Ваквиот предлог за кој Владата на утрешната седница ќе одлучува, доаѓа по најновите анализи на Министерството за здравство, бидејќи во државата почнува да се намалува притисокот врз болниците и бројот на новозарезени од Ковид-19 да се намалува, а од утре ќе започне и масовната имунизација.

Трететата фудбалска лига, Првата женска фудбалска лига, футсалот, како и младинските лиги беа ставени во прекин во моментот кога Владата донесе одлука пред околу две недели за задолжителни ПЦР-тестови пред секој натпревар. Таква можност за жал клубови немаат од финансиски аспект, па ФФМ ги покриваше трошоците за тестирањето за претходните две кола во Првата лига и Втората лига – Исток и Запад.

Доколку Владата го прифати новиот предлог од кризниот штаб дали тоа ќе значи и промена на одлуката за задолжителни ПЦР-тестови и со тоа да продолжат натпревари во ТМФЛ, ПЖФЛ, футсалот и младинскиот фудбал ?

Доколку Владата ја промени одлуката за задолжителното тестирање пред секој натпревар, потоа ФФМ ќе треба да донесе одлука кога би продолжиле првенствата кои се ставени во мирување.