Михајлов прозиваше, Борец ќе се засилува во средниот ред и нападот

Велешки Борец денес официјално ги започна подготовките за пролетниот дел од Првата македонска фудбалска лига. Тренерот Горазд Михајлов на првиот собир ги имаше и новите засилувања, но без странците, кои на екипата ќе се приклучат во недела.

Од Борец велат дека преговарат со неколку играчи кои ќе го подигнат нивото во средниот ред и во нападот.

Стручниот штаб на клубот е засилен со Благој Левков, а во план е да се приклучат неколку играчи од младинската школа на Борец.

Тимот ќе работи по два пати на ден, додека формата ќе ја подига на припремите закажани во Струга.