Астон Вила го откажа тренингот во неделата поради проблем со коронавирус со кој се соочи неполни 24 часа по дуелот со Ливерпул. Во неволја се најде и Манчестер Јунајтед.
Пред натпреварот со Норич, сите играчи и членови на стручниот штаб и помошниот штаб на Манчестер Јунајтед беа негативни на тестирањето, но неполн ден подоцна се појавија голем број позитивни тестови.
Јунајтед го пријавил проблемот во Премиер лигата, а сите кои добиле позитивни тестови во неделата наутро биле испратени дома, а тренингот се одржал во контролирани услови и без контакт.
Во слична ситуација се најде и Астон Вила по гостувањето кај Ливерпул, но Стивен Џерард го откажа тренингот бидејќи беше планирано да тренира во затворен простор.
Викендов поради проблеми со коронавирусот беше одложен натпреварот помеѓу Тотенхем и Брајтон во Премиер лигата, како и дуелот помеѓу Шефилд Јунајтед и Квинс Парк Ренџерс во Чемпионшип.
