Македонија несреќно поразена од Црна Гора на првиот контролен дуел

Младата репрезентација на Македонија до 16 години загуби минимално со 2:1 против Црна Гора на првиот контролен дуел одигран помеѓу овие две селекции на тренинг центарот во Подгорица.

НАЈДОБРИОТ ИЗБОР ЗА ПРОЗОРЦИ И ВРАТИ ОД ПВЦ ВО „OPEN STIL“ ВО ГОСТИВАР 070/814-428

Македонија подобро го отвори натпреварот, одличен слободен удар на Андреј Велков во 13. минута за предност од 1:0. Во првиот дел пропуштивме одлична прилика преку Ислами за зголемување на водството. Бевме подобар противник од Црна Гора и сосема заслужено на полувреме заминавме со минимална предност.

Во продолжението од средбата, домаќинот направи комплетен пресврт, постигна два гола и успеа да слави победа со 2:1. Голот за победа Црна Гора го постигна во последните моменти од мечот, по едно невнимание на нашата одбрана.

ВАШАТА РЕКЛАМА НА СПОРТСКА МРЕЖА – КОНТАКТ: 074 / 241 – 247

Втората контролна средба Македонија против Црна Гора ќе ја одигра утре со почеток од 11. часот.

Македонија: Иван Божиновиќ, Кику Генц, Андреј Велков, Дарко Сековски, Анес Мелиќи, Никола Стојковски, Даниел Коцев, Мартин Јовановиќ, Беби Ислами, Мухамед Елмас, Фљаркон Мемиши;