ФудбалФутсал

Кратово немаше сили, Карадаку ја оправда фаворитската улога со убедлива победа

Денес беше отворено 13. коло од Првата футсал лига со натпреварот меѓу Кратово и Карадаку.

Гостите со сигурна и убедлива победа од 7:13 ја оправдаа фаворитската улога на денешното гостување.

Карадаку прв го отвори резултатот и до 10. минута имаше водство од 0:2 со погодоците на Далипи и Османи. Домаќинот преку Арсовски намали на 1:2 во 15. минута, а гостите веднаш преку Зекири зголемија на 1:3. Одличната игра на Карадаку продолжи и преку Јунузи резултат беше зголемен на 1:4, а Митевски намали на 2:4.

Во вториот дел Кратово немаше сили да му парира на одличниот и расположен противник. До 28. минута Карадаку имаше водство од 2:9 со едниот погодок на Далипи и по два погодоци на Зекири и Јунузи. Домаќинот преку Начковски намали на 3:9, а со два брзи гола на Митевски и Јовановски разликата беше спуштена на 5:9. Далипи постигна нов гол за 5:10, а Начковски намали на 6:10. Во последните минути од натпреварот притисокот на Карадаку кон голот на противникот се зголеми, а тоа резултираше со три нови голови, еден на Иљази и два на Јунузи. Во последните секунди од натпреварот Јовановски постигна гол за конечните 7:13.

Во следното коло Кратово ќе има тешко гостување кај актуелниот шампион Шкупи, додека Карадаку на домашен терен ќе игра против екипата на Кеги Моби од Велес.

Поврзани Наслови

Back to top button
error: Текстот е заштитен !!