ОстанатоФудбалФутсал

Карадаку пресилен за Црешово Топче, Шкендија подобра на пенали од Енхалон за следна фаза од Купот

Вчера беа одиграни уште два натпревари од осминафиналето на футсал Купот на Македонија. Следната фаза обезбедија Карадаку и Шкендија.

На домашниот терен во Пробиштип домаќинот Црешово Топче немаше сили за фаворитот Карадаку кој со убедливи 3:7 славеше за четвртфинале.

>>> РЕЗЕРВИРАЈТЕ СМЕСТУВАЊЕ НА МАВРОВО – КОТВА.МК ВИ НУДИ ОДЛИЧНА ПОНУДА <<<

Домаќинот прв поведе во 8. минута со погодокот на Саше Донев, по што гостите со два брзи гола на Артан Јунузи и Ибраим Далипи со свртеа резултатот на 1:2. Само 60 секунди беа потребни за Драган Стефанов да постигна погодок за 2:2 и да го направи натпреварот возбудлив. До крајот првиот дел Сами Аљиљи погоди водство на Карадаку од 2:3 на полувреме.

Во вториот дел гостите прикажаа тотална доминација. Со погодоците на Јасир Зекири и вториот погодок на Аљиљи гостите имаа водство од 2:5 и се поизвесно беше дека Карадаку ќе патува во следната фаза. За 2:6 погоди капитенот Егзон Исени, а потоа домашните преку Глугорче Јакимов намалија на 3:6. Во последните секунди од натпреварот Ибраим Далипи ги постави конечните 3:7.

АРХИВА

Победникот во Тетово меѓу Шкендија и Енхалон беше решен на пенали, а подобар во пенал-рулетот беше домаќинот со 7:5. Првиот дел од мечот заврши со резултатот од 1:1. За гостинската екипа која прва дојде до водство погоди Аднан Агушевски, а за домашната Сунај Мустафи.

>>> ПРОМОВИРАЈТЕ АПАРТМАНИ НА КОТВА.МК <<<

Во вториот дел паднаа по два гола на двете страни. Шкендија успеа да дојде до прво водство со голот на Каремани Куштрим кој стрелаше по четири минути игра, а само една минута подоцна Агушевски со втор гол израмни. Никола Миленксоки во 33. минута по втор пат го однесе Енхалон во водство од 2:3, а во финишот од мечот Мустафи со втор гол ги постави конечните 3:3.

Во пенал серијата Шкендија беше подобар од Енхалон и обезбеди следна фаза од футсал Купот.

Поврзани Наслови

Back to top button
error: Текстот е заштитен !!