Вчера во рамки на 15. коло од Првата футсал лига, екипата на Карадаку на гостувањето кај Велес запиша нова убедлива победа од 5:8.
Прв до водство дојде гостинот со гол на Есени Егзон постигнат во 5. минута од натпреварот. Во 12. минута Јунузи Артан постигна гол за водство од 0:2. Велес тргна со притисок кон голот на противникот и во 14. минута со гол на Сулимани Ерсин намали на 1:2, а четири минути подоцна Калчев Мартин погоди за 2:2. Помалку од минута беше потребно за Карадаку да го врати водството, со втор гол на Јунузи гостите имаа 2:3 на полувреме.
На стартот од вториот дел Јунузи со два гола во 24. и 27. минута зголеми на 2:5. Велес до 34. минута успеа да дојде до 5:5, со два гола на Амза Кадир и еден на Мојсовски Владимир. Карадаку не дозволи изненадување, во 36. и 37. минута Зекири Јасир постигна два погодоци за 5:7, а конечните 5:8 ги постави Османи Аријат.
Карадаку со 27 бодови е на петтото место на табелата, додека Велес со 15 бодови е на седмото место на табелата.
Во следното коло, Карадаку во Липково го чека лидерот Проект, додека Велес ќе гостува кај екипата на Кратово.
