Големо изненадување: Фернандо Торес се враќа на фудбалските терени, познат и клубот за кој ќе настапува!

Фернандо Торес неодамна објави дека му се враќа на фудбалот, откако стави крај на неговата професионална кариера во 2019 година во Јапонија. Се чини дека не е тајна во чиј дрес ќе го гледаме.

„Го разбирам животот на само еден начин, а тоа е играње фудбал. Затоа, решив да се вратам. Во петок, ќе откријам каде ќе играм“, напиша Торес на социјалните мрежи.

Ако им се верува на шпанските медиуми, Торес избра многу интересен клуб за враќање на фудбалот. Во новата сезона се очекува да игра за Ибица, која следната сезона ќе игра во втората шпанска лига.