Второлигашот Кораби од Дебар за пролетните предизвици од Втората лига – Запад промовираше шест нови засилувања.
Нови имиња во Кораби се Еркан Шаип, Аљтрим Јакупи, Христијан Крклински, Атдхе Кадрију, Рејјан Абази и Газменд Али.
Шаип во Дебар доаѓа од второлигашот Братство Житоше, а овој 22-годишник има настапувано и за Фортуна, Вардар Форино, Маџари Солидарност, Илиден, Скопје, Металург и Шкупи од каде и потекнува.
19-годишниот Јакупи потекнува од школата на Шкендија, а во Кораби доаѓа од Тетекс.
Крклински има 25 години и во Дебар пристигна од редовите на Слога 1934 од Виница, а претходно има настапувано за Црно Буки, радовишка Плачковица, Осогово, Скопје, Пелистер, Новаци и Кравари.
17-годишниот Кадрију кој потекнува од Милано од Куманово, доаѓа од редовите на Македонија Ѓорче Петров, а беше дел и од младинските погони на Шкендија.
Абази кој има 19 години претходно беше дел од прволигашките Работнички и Шкупи. 18-годишниот Али беше дел од младинските категории на Шкупи, а претходно дел и од Албарса.
Пролетната полусезона стартува веќе утре, а Кораби ќе гостува во Тетово кај Тетекс.
СО КОТВА.МК ДО ПОВЕЌЕ ТУРИСТИ ВО ВАШИТЕ АПАРТМАНИ / ПОВЕЌЕ ГОСТИ ВО ВАШИОТ РЕСТОРАН
