ФОТО: Минималец на Пелистер со Новаци на пријателски натпревар

Битолскиот второлигаш Пелистер денес одигра пријателски натпревар против амбициозниот третолигаш Новаци. Натпреварот заврши со минимален триумф (1:0) за Пелистер.

Стрелец на единствениот победнички погодок за битолскиот второлигаш беше Јове Трајковски.

Денес требаше да стартува новата сезона од Втора лига, меѓутоа стартот беше одложен од страна на ФФМ, бидејќи голем дел од клубовите немаат платено котизација. Во новата сезона од ВМФЛ, Пелистер има за цел да ги напаѓа местата кои водат во ПМФЛ и со тоа да направи експресен кам-бек во елитата.

Новаци во новата сезона од Трета лига – Југозапад ќе има за цел атак на врвот од табелата и преку баражот конечно да се врати во Втора лига.