ФудбалФутсал

ФОТО: Форца е нов шампион и нов прволигаш заедно со Кеги Моби, триумф за Клими, реми во Битола

Прегледот на на последното коло од Втората футсал лига на Македонија го овозможи Revolution Development.

Вечерва беше одиграно последното коло од Втората футсал лига на Македонија. Нов шампион е екипата на Форца која од следната сезона ќе се натпреварува во Првата футсал лига на Македонија. Покрај Форца, во Прва лига патува и екипата на велешки Кеги Моби.

Екипата на Форца вечерва со 7:10 триумфираше над СЕЕ Университи во последното 22. коло од Втората футсал лига.

Првиот дел од мечот помина во тотална неизвесност, а резултатот на паузата беше 3:3. Во второто полувреме Форца со поголема доминација на теренот ја оправда фаворитската улога со конечните 7:10.

За домашниот тим по два погодоци постигнаа Гезим Азизов, Ветон Чауши и Атмир Бакија, а пак еден гол постигна Алирами Рамадани.

За гостинската екипа пет погодоци постигна Екрем Мемеди, хет-трик постигна Стефан Трандафиловски, а по еден гол постигнаа Аљиљ Османи и Бесим Мустафи.

ЗА СИТЕ ГОЛМАНИ НА ВОЗРАСТ ОД 7 ДО 19 ГОДИНИ – ПРИЈАВИ СЕ НА НАЈГОЛЕМИОТ ГОЛМАНСКИ КАМП НА БАЛКАНОТ – „РБ Охрид 2022“

Во Битола „пленот“ го поделија Конзули и Овче Поле играјќи 3:3. Ваквиот резултат е повеќе од одличен за гостите од Свети Николе бидејќи во Битола пристигнаа со пет млади играчи предводени од искусниот Икица Јованов.

Овче Поле одигра одлична сезона и истата ја заврши на високото четврто место. Резултатот на полувреме беше 2:1 за домашниот тим кој дојде до брзо водство откако Стефан Стефановски и Кристиан Симиќ постигнаа погодоци за 2:0 до 6. минута. Пред крајот на првиот дел Никола Стојковиќ погоди и намали на еден гол негатива.

На стартот од вториот дел гостите од Свети Николе дојдоа дури и до водство од 2:3 со погодоците на Павел Русевски и Павел Смиљков. Пред крајот на мечот Владимир Митревски погоди за конечните 3:3 и го спаси Конзули од пораз на домашен терен.

Клими на домашен терен со убедливи 5:2 го збриша Мал Ајакс за крај на сезоната. Во Кавадарци по крајот на првиот дел Клими имаше убедливи 4:1, а во вториот дел победата беше само потврдена.

Дане Митрев беше двоен стрелец за домаќинот, а по еден гол постигнаа Димитар Чоков, Валентин Колевски и Ѓорѓи Шишков. За гостите од Штип двата погодоци ги постигнаа Седат Мамудов и Серхан Шакиров.

Штипски Кардшлк сезоната ја заврши на дното од табелата без ниту еден освоен бод. Оваа екипа е единствената во Македонија во Првата и Втората футсал лига која во цела сезона не успеа да собере ниту еден бод.

Поврзани Наслови

Back to top button
error: Текстот е заштитен !!