Велешкиот прволигаш Борец утрово замина на десетдневни подготовки во турскиот туристички центар Анталија каде ќе ја реализира следната фаза наменета за воигрување на тимот и одигрување пријателски натпревари.
Во Анталија Борец ќе одигра четири пријателски натпревари. Новост во тимот е засилувањето Октај Ракипи кој доаѓа од Шкендија и Гордан Здравков нов член во стручниот штаб.
Борец пред заминувањето за Анталија имаше проверка против тимот на Македонија Ѓорче Петров и истиот го доби со убедливи со 4:0, со головите на Нехар Садики, Џемаил Ибрахимовиќ, Александар Ѓоргиевски и Крста Ѓорѓевиќ.
Екипата на Борец есенската полусезона во ПМФЛ ја заврши на претпоследното место на табелата со 12 бодови, а во пролетниот дел ја очекува тешка борба за опстанок во прволигашкото друштво.
