Фудбалската Федерација на Македонија ги информираше сите клубови дека од 15 јануари, 2021 година започнува зимскиот преоден рок за фудбалери (мажи/жени) и истиот ќе трае до 11 фeвруари, 2021 година.
Клубовите од Куќата на фудбалот исто така добија информација дека сите сертификати за фудбалери треба да бидат доставени до ФИФА ТМС платформата и да испратат информација до одделот за ТМС на ФФМ најкасно до 14:00 часот на последниот ден од зимскиот преоден рок.
Сите барања кои ќе бидат доставени по 23:59 часот на 11 февруари, 2021 година ќе се сметаат за ненавремени.
Натпреварите во пролетната полусезона во Првата македонска фудбалска лига (ПМФЛ) продолжуваат на 14 февруари.
