ЕКСКЛУЗИВНО: Борец се засилува со играч од Мексико, во Велес доаѓа и младиот Златевски

Велешки Борец се засилува со 24-годишниот Мексиканец Новело Медина Омар Антонио за пролетната полусезона од Првата македонска фудбалска лига, ексклузивно дознава Спортска Мрежа.

>>> СО КОТВА.МК ДО ПОВЕЌЕ ТУРИСТИ ВО ВАШИТЕ АПАРТМАНИ <<<

Како што дознава Спортска Мрежа трансферот е реализиран во текот на денешниот ден, а во следните денови Борец треба и официјално да го претстави Мексиканецот. Трансферот го реализираше „Eagle Football Agency“ чијшто сопственик е Србинот Стефан Ристиќ- на македонската јавност познат кога беше тренер на Питу Гули кога се натпреваруваше во Втората лига – Исток. 24-годишникот настапува како везен играч и со своето искуство треба да му помогне на Борец во осварувањето на целите во пролетниот дел.

Покрај Омар Антонио во Велес пристига и Александар Златев, кој доаѓа од редовите на второлигашот Братство од Житоше, а во својата кариера има настапувано во Росоман, Питу Гули и младинските категории на Академија Пандев.

Колку за потсетување, тренер на 20-годишниот Златев додека настапуваше во редовите на Питу Гули му беше токму Стефан Ристиќ.

Целта на Борец ќе биде да обезбеди опстанок во Првата македонска фудбалска лига.