Дерелиоглу: Нашата желба е да победиме пред нашите навивачи и да се движиме самоуверено и цврсто кон нашата единствена цел!

Гостивар денес го игра дербито на колото во Втората лига против непоразениот лидер Воска Спорт од Охрид.

Овој меч ќе биде вовед во 5. колото од второлигашкото друштво кое ќе биде комплетирано утре со останатите седум натпревари.

Тренерот на Гостивар, Октај Дерелиоглу, даде изјава пред дербито кое ќе започне во 15:00 часот.

„Ни претстои меч со Воска кој е тесно поврзан со врвот во лигата“, и продолжи: „Се обидуваме да го заборавиме поразот од Пелистер во купот и да се фокусираме на мечот со Воска. Нашата желба е да победиме пред нашите навивачи и да се движиме самоуверено и цврсто кон нашата единствена цел, шампионатот. Имаме моќ за тоа. Сè уште сме на врвот во лигата. Работите ќе дојдат на своето место со текот на времето. Без разлика на сите надворешни фактори, ние ќе се фокусираме на нашата работа и ќе продолжиме да работиме напорно“, рече Дерелиоглу.